Asteroid veličine planine sprema se da projuri pored Zemlje, najavili su astronomi, dodajući da je riječ o rijetkom preletu kakav se viđa jednom u deset godina.
Asteroid 2004 BL86 će danas 27.01.2015 g. proletjeti na udaljenosti od svega 1,2 miliona kilometara od Zemlje, što je tri puta veća razdaljina od one između Zemlje i Mjeseca.
Putujući svemirski kamen, koji ne predstavlja prijetnju za našu planetu, specifičan je po tome što je daleko veći od većine asteroida - sa prečnikom od 900 metara.
Većina objekata koji prelete pored Zemlje imaju između 15 i 30 metara u prečniku.
"Ovo je najveće svemirsko tijelo koje će se 'očešati' o nas do 2027", piše u časopisu Sky and Telecope, prenosi AFP.
Naredni veliki asteroid koji će se približiti Zemlji je asteroid 1999 AN10, koji će nam doći u "posjetu" za 12 godina.
Astronomi su veoma uzbuđeni što će moći da izbliza posmatraju asteroid 2004 BL86, misteriozno tijelo koje će Zemljani ponovo imati priliku da vide tek za 200 godina.
"Trenutno, ne znamo gotovo ništa o ovom asteroidu i spremni smo na svakakva iznenađenja", kazao je astronom Lens Bener sa Američke svemirske agencija (NASA).
NASA je saopštila da asteroid neće biti vidljiv golim okom već samo teleskopom ili jakim dogledom.
Asteroid 2004 BL86, koji se kreće prema sjeveru, prema sazviježđu Raka, otkriven je prije 11 godina zahvaljujući teleskopu LINEAR u Nju Meksiku.
U 17 sati po našem vremenu početi direktan prenos preleta asteroida mozete gledati Ovdje
